Tá tú anseo:   Baile > Nuacht agus Imeachtaí > Press Release

TÁ GÁ LE TUILLEADH ROCHTANA AR SHEIRBHíSí LAGHDÚ DíOBHÁLA D'ÚSÁIDEOIRí DRUGAí

Déardaoin 27ú Bealtaine 2004

Sheol an tAire Stáit, an tUasal Noel Ahern, TD, ar a bhfuil freagracht as an Straitéis Náisiúnta Drugaí, tuarascáil nua inniu (Déardaoin 27ú Bealtaine 2004) ón gCoiste Comhairleach Náisiúnta Drugaí (NACD), dar teideal A Review of Harm Reduction Approaches in Ireland and Evidence from the International Literature. Tháinig an tuarascáil ar an tátal go bhfuil scóip as cuimse ann chun leathnú a dhéanamh ar ról na seirbhísí drugaí maidir le tionscnaimh sholúbtha agus fhreagarthacha a sheachadadh chun spriocdhíriú ar úsáid roinnte trealaimh i measc úsáideoirí drugaí. Luann an Tuarascáil chomh maith go bhféadfadh uaire oscailte srianta agus líon teoranta seirbhísí malartaithe snáthaidí cur go hiarbhír le roinnt trealaimh, as a leanann tuilleadh baoil sl áinte.

Chinn an tAthbhreithniú agus an taighde a bhí ag gabháil leis, a thug foireann ó Ollscoil Chathair Bhaile Átha Cliath chun críche, go méadaíonn gach bealach riartha drugaí lena gcaitear trealamh a úsáid an baol go scaiptear HIV, Víoras Heipitíteas B agus Víoras Heipitíteas C. Chinn an taighde freisin:

• Caithfidh teachtaireachtaí laghdú díobhála aird a tharraingt ar an mbaol a bhaineann le trealamh mar spúnóga, uisce, scagairí mar aon le snáthaidí agus steallairí a roinnt agus cur chun cinn a dhéanamh ar bhealaí níos sábháilte chun drugaí a úsáid;
• Roinntear trealamh nuair a bhíonn rochtain ar sheirbhísí laghdú díobhála teoranta, lag nó nuair nach mbíonn an rochtain sin ar fáil; agus
• Is iad na daoine is mó atá i mbaol infhabhtaithe ná úsáideoirí drugaí óga, daoine nach bhfuil ag instealladh drugaí le fada agus daoine atá i gcaidreamh dlúth le húsáideoir eile a bhíonn ag instealladh drugaí.

Agus é ag seoladh na Tuarascála, dúirt an tAire Noel Ahern “is cuid thábhachtach de pholasaí drugaí na hÉireann é cur chuige laghdú díobhála agus is léir gur féidir leis cur go suntasach agus go leanúnach le sláinte daoine a bhíonn ag míúsáid drugaí. Tá fáilte mhór roimh an taighde agus an anailís nua seo ón NACD agus bainfear úsáid as mar fhaisnéis d’fhorbairtí polasaí amach anseo sa réimse seo”.

Ag labhairt ag seoladh na tuarascála, dúirt an Dr. Des Corrigan, Cathaoirleach NACD “cé gur léir gur aidhm lárnach de chuid Straitéis Náisiúnta Drugaí na hÉireann é an t-éileamh ar dhrugaí a laghdú agus daoine a chosc ó dhrugaí a ghlacadh ar an gcéad dul síos, caithfimid a bheith réalaíoch faoi go bhfuil go leor daoine ag glacadh drugaí agus go bhfuil baol dá sláinte i ndán dóibh dá bharr. De réir mar a athraíonn patrúin úsáide drugaí, bíonn bealaí nua chun drugaí a riar agus roghanna nua drugaí ag teacht chun cinn, caithfimid a bheith níos airí fós faoin tslí a ndéanaimid cumarsáid le húsáideoirí drugaí faoin díobháil dá sláinte a laghdú.”

Ag eascairt óna n-anailís ar an taighde, tá an NACD ag déanamh roinnt moltaí don Rialtas, is iad sin:

• Ba chóir seirbhísí malartaithe snáthaidí a leathnú go suntasach ar bhonn ar fud na tíre, ba chóir go n-oibreodh siad lasmuigh de ghnáthuaire oibre agus ag deirí seachtaine;
• Ba chóir go mbeadh seirbhísí laghdú díobhála in ann fónamh do sholáthar raon trealaimh tógála drugaí:
• D’fhéadfaí cur chuigí roghnacha ar nós malartú snáthaidí i gcógaslanna pobail a fhorbairt le comhchomhairle chuí;
• Ba chóir go mbeadh oiliúint mhéadaithe ann do sholáthróirí seirbhíse;
• Ba chóir go mbeadh soláthar seirbhíse d’úsáideoirí drugaí i bpríosúin mar íomhá den raon cur chuigí cóireála agus laghdú díobhála atá ar fáil sa phobal; agus
• Ba chóir go mbeadh faireachán leanúnach ar an taighde i réimse seomraí tógála drugaí faoi mhaoirsiú ós rud é gur chinn an t-athbhreithniú go bhfuil an fhianaise faoina n-éifeachtacht éigintitheach.

Deir Mairéad Lyons, Stiúrthóir an NACD, agus í ag trácht ar an tuarascáil “is léir gur chóir go bhféachfadh cláir chuimsitheacha laghdú díobhala le roinnt gach cineál trealaimh tógála drugaí a íoslaghdú mar go bhfuil fianaise láidir ann a léiríonn go bhfuil baint ag trealamh neamh-insteallta, mar spúnóga, steallairí agus coimeádáin uisce, le baol méadaithe galair ar nós HIV agus Hipitíteas C a tholgadh.

Nótaí don Eagarthóir

1. Is coincheap é laghdú díobhála a bhfuil d’aidhm leis iarmhairtí diúltacha sláinte a bhaineann le hiompar áirithe a chosc nó a laghdú. Maidir le mí-úsáid drugaí, tá sé d’aidhm ag laghdú díobhála cosc a chur le tarchur HIV agus infhabhtuithe eile a tharlaíonn trí dhrugaí agus trealamh tógála drugaí neamh-steiriúil a roinnt.
   
2. Choimisiúnaigh an Coiste Comhairleach Náisiúnta Drugaí (NACD) an taighde seo agus is foireann ó Ollscoil Chathair Bhaile Átha Cliath a rinne an taighde, d’fhéach an staidéar ar shásraí chun laghdú a dhéanamh ar threalamh a roinnt i measc úsáideoirí drugaí mar chur chuige laghdú díobhála. Tugadh an taighde chun críche idir deireanach sa bhliain 2002 agus luath sa bhliain 2003.
   
3. Agus iad ag tabhairt faoin taighde seo, rinne DCU athbhreithniú ar an ábhar léitheoireachta idirnáisiúnta ar laghdú díobhála agus ar thuarascálacha Éireannacha faoi straitéisí ar laghdú díobhála. Ar deireadh, chun léargas a fháil ar sheachadadh seirbhíse in Éirinn, rinneadh agallaimh le pearsanra lárnach i seirbhísí sláinte na hÉireann faoi laghdú díobhála ina seirbhís f éin.

DEIREADH

Do thuilleadh eolais, déan teagmháil le do thoil le:
Pat Montague, Montague Communications, 01-8377960 nó 087-2549123

Baile | Teagmhálacha | Mapa suímh | Cuardach | Faoin gCCND | Nuacht agus Imeachtaí | Foilseacháin | Gníomhaíochtaí Taighde| Clár Oibre | Maoiniú Taighde | Naisc