Tá tú anseo:   Baile > Nuacht agus Imeachtaí > Preaseisiúintí

TAIGHDE AR LEITHEADÚLACHT DRUGAÍ I LIMISTÉIR NA mBORD SL ÁINTE SEOLTA

DÉ LUAIN, 19 AIBREÁN 2004

Sheol an tAire Stáit don Straitéis Náisiúnta Drugaí, Noel Ahern, T.D. torthaí de réir limistéar na mbord sláinte ón gcéad Suirbhé ar Leitheadúlacht Drugaí in Éirinn inniu (Dé Luain, 19 Aibreán). Tharla an seoladh in Óstán Bhaile Mhic Scanláin, lasmuigh de Dh ún Dealgan, Co. Lú.

Bhí an suirbhé seo comh-choimisiúnaithe ag an gCoiste Comhairleach Náisiúnta ar Dhrugaí (CCND) in Éirinn agus ag an Aonad um Thaighde agus Fhaisnéis ar Dhrugaí agus Alcól (ATFDA) i dTuaisceart Éireann. Rinne MORI MRC suirbhé ar 8,442 duine san iomlán idir 15-64 bliana d’aois thar ceann an CCND agus ATFDA (4,925 in Éirinn agus 3,517 i dTuaisceart Éireann) idir mí Dheireadh Fómhair 2002 agus mí Aibreáin 2003.

Agus é ag cur fáilte roimh an mBuilitín seo, dúirt an tAire Stáit, Noel Ahern, T.D., gur sholáthair an suirbhé faisnéis bhonnlíne den scoth don Rialtas maidir le leitheadúlacht drugaí a bheadh an-úsáideach i gcomhthéacs na hoibre leanúnaí leis an Straitéis Náisiúnta Druga í a chur i ngníomh.

"Tá an dara sraith fhigiúr á seoladh againn inniu ón suirbhé náisiúnta ar leitheadúlacht drugaí. Tugann na figiúir i mBuilitín 2 miondealú de réir réigiún ar leitheadúlacht na ndrugaí in Éirinn bunaithe ar limistéir na mbord sláinte, rud a chuireann go suntasach leis an eolas agus an tuiscint atá againn ar an úsáid drugaí trasna na tíre. Dearbhaíonn an suirbhé seo an fhíric nár bhain formhór mór na ndaoine in Éirinn úsáid as drugaí mídhleathacha riamh.”

"Cuireann na torthaí chun suntais freisin, áfach, an fhíric nach bhfuil an úsáid drugaí srianta dár bpríomhchathracha. Tá an úsáid drugaí ina saincheist do phobail, idir uirbeach agus tuaithe, ar fud na tíre agus tá an Rialtas meáite ar a bheith ag dul i ngleic léi ag gach leibhéal. Tá an fhaisnéis atá sa Bhuilitín seo iontach tráthúil, toisc go dtarlóidh an t-athbhreithniú lárthéarma ar an Straitéis Náisiúnta Drugaí amach sa bhliain seo. Ba mhaith liom comhghairdeas a ghabháil le gach duine a raibh lámh acu sa taighde seo, go háirithe an grúpa stiúrtha ón gCCND agus ón ATFDA,"

arsa an tAire Stáit Ahern.

Torthaí Buntábhachtacha:

Nóta
Leitheadúlacht saoil = freagróir(í) a bhain úsáid as druga uair amháin ina saol ar a laghad
Ú sáid le déanaí = freagróir(í) a bhain úsáid as an druga sa bhliain roimh an suirbhé
Ú sáid faoi láthair / reatha = freagróir(í) a bhain úsáid as an druga sa mhí roimh an suirbhé

• Bhí éagsúlacht le tabhairt faoi deara ar an leitheadúlacht saoil ó thaobh drugaí mídhleathacha – idir 11% agus 29% trasna limistéar na mbord sláinte.
  
• Taifeadadh an ráta ab ísle den úsáid drugaí mídhleathacha le déanaí i mBord Sláinte an Iarthuaiscirt (3%) agus taifeadadh an ráta ab airde i mBord Sláinte an Limistéir Thuaidh (8%).
  
• Bhí éagsúlacht le tabhairt faoi deara ar rátaí leitheadúlachta maidir le húsáid reatha drugaí - idir 0.5% (Bord Sláinte an Iarthuaiscirt) agus 5% (Bord Sláinte an Limistéir Thuaidh).
  
• Bhí rátaí leitheadúlachta (saol, le déanaí agus faoi láthair) níos airde sa chuid Thoir den tír de ghnáth.
  
• Bhí canabas ar an bpríomh-dhruga mídhleathach ar baineadh úsáid as ar bhonn saoil, le déanaí nó faoi láthair i ngach limistéar boird sláinte. Bhí rátaí leitheadúlachta le haghaidh canabais a dhá oiread níos airde ar a laghad agus a bhí le haghaidh drugaí mídhleathacha eile.
  
• Bhí leibhéal na húsáide canabais le déanaí agus faoi láthair níos airde i measc daoine fásta óga (15-34) i mbeagnach gach ceann de na limistéir bhord sláinte, ná mar a bhí i measc daoine fásta a bhí níos sine (35-64).
  
• Bhí rátaí leitheadúlachta le haghaidh drugaí mídhleathacha eile cuid mhaith níos ísle ná mar a bhí le haghaidh canabais trasna gach limistéar agus tréimhse ama (saol, le déanaí agus faoi láthair). Mar shampla, ba é an ráta leitheadúlachta ab airde le haghaidh úsáid a baineadh as eacstaise le déanaí ná 3% agus cóicín (púdar) 2% i gcomparáid le 8% le haghaidh canabais.
  
• Thaispeáin próifíl na n-úsáideoirí drugaí mídhleathacha go raibh cuid mhaith comhleanúnachais ann trasna na mbord sláinte – i mbeagnach gach limistéar, bhí rátaí leitheadúlachta saoil, le déanaí agus faoi láthair níos airde i measc na bhfear ná na mban agus níos airde i measc daoine óga ná daoine níos sine.
  
• Bhí rátaí leitheadúlachta le haghaidh támhachán, suaimhneasán agus frithdhúlagrán níos airde i measc daoine níos sine agus na mban i bhformhór na limistéar.
  

Agus samhail Ionad Monatóireachta na hEorpa ar Dhrugaí agus Andúil i nDrugaí le haghaidh ceistneoirí á leanúint, cuireadh ceisteanna maidir le húsáid alcóil agus tobac freisin agus tá na rátaí leitheadúlachta le haghaidh úsáid an alcóil agus an tobac soláthraithe sa Bhuilitín seo. Déanfar idirghaolmhaireachtaí idir úsáid substaintí mar chuid de phola-úsáid drugaí a fhiosr ú tuilleadh i mBuilitín amach anseo.

Dúirt Dr Mary Ellen Mc Cann, Leas-Chathaoirleach an CCND, agus í ag labhairt ag an seoladh

"Tá fairsinge agus pátrún na húsáide drugaí sa daonra ginearálta ar cheann den chúig tháscaire bhuntábhachtacha a bhaineann leis an mí-úsáid drugaí a tháirg an IMEDAD agus a ndeachaidh Ballstáit leo faoi Straitéis agus Phlean Aicsin Drugaí an AE. Is é ról an CCND ná a chinntiú go bhfaighfear sonraí iontaofa ionchomparáide do Rialtas na hÉireann, rud a fhágann gur mó cumas a bheidh ann le tuairisciú don AE. Bhí ról buntábhachtach ag an Rannán Taighde ar Mhí-úsáid Drugaí (RTMD) den Bhord Taighde Sláinte, arb é an Lárionad Náisiúnta d’IMEDAD é, leis an suirbhé seo a fhorbairt, a chur i ngníomh agus a anailísiú freisin."

" Is é seo an dara builitín le bheith foilsithe ón suirbhé náisiúnta ar leitheadúlacht drugaí. Soláthraíonn sé léargas ar leith do lucht déanta polasaithe, taighdeoirí agus soláthraitheoirí seirbhíse ar leibhéil na leitheadúlachta drugaí i limistéir na mbord sl áinte trasna na tíre."

" Taispeánann torthaí buntábhachtacha an tsuirbhé gurb é an canabas an druga mídhleathach is fairsinge a mbaintear úsáid as. Lena chois sin, i mbeagnach gach limistéar boird sláinte, bíonn an úsáid chanabais níos airde i measc daoine fásta óga (15-34) ná daoine fásta níos sine (35-64). Tugann an taighde le fios freisin go dtuairiscíonn fir, go ginearálta, rátaí leitheadúlachta níos airde ó thaobh úsáid drugaí ná mná. Agus, ar bhonn réigiúnach, bíonn rátaí leitheadúlachta drugaí níos airde sa chuid Thoir den tír."

NÓTAÍ D’EAGARTHÓIRÍ:

1. Forbraíodh an chéad suirbhé ar leitheadúlacht drugaí i líonta tí na hÉireann bunaithe ar na treoirlínte arna dtáirgeadh ag IMEDAD, lena luaitear an méid seo a leanas mar na príomhaidhmeanna:
   • Rátaí leitheadúlachta agus leanúnachais maidir leis na drugaí aindleathacha is coitianta sa daonra ginearálta a thuairisciú de réir inscne agus aoisghrúpaí;
     
   • Measúnú trastíre a chumasú ar ghaolmhaireachtaí idir pátrúin ghinearálta d’úsáid drugaí aindleathacha agus dleathacha;
     
   • Measúnú a chumasú ar ghaolmhaireachtaí idir tréithe daonra áirithe agus úsáid drugaí aindleathacha.
     
2. Rinne MORI MRC an suirbhé agus úsáid á baint acu as ceistneoir réamhullmhaithe agus as agallaimh duine-le-duine (an modh ab fhearr le hIMEDAD de réir a dtreoirlínte) i measc an aoisghrúpa 15- 64. Cuirfidh an suirbhé ar chumas an CCND comparáidí a dhéanamh trasna réigiún agus gealltanais an Rialtais a chomhlíonadh maidir leis an bhfaisnéis ábhartha a sholáthar d’IMEDAD.
3. Rinneadh obair allamuigh don suirbhé idir Deireadh Fómhair 2002 agus Aibreán 2003 agus ba é an líon daoine a bhí sa sampla sa deireadh ná 8,442 (4,925 in Éirinn agus 3,517 i dTuaisceart Éireann). Ba é 70% an ráta freagairte don suirbhé in Éirinn agus 63% i dTuaisceart Éireann.
4. Using the most recent census data, the sample was weighted by gender, age and Health Board (Health and Social Services Board area in Northern Ireland), to maximise its representativeness of the general population.
5. Foilseofar mionsonraí iomlána in am is i dtrath ar an modheolaíocht agus cóipeanna de na ceistneoirí ar baineadh úsáid astu sa dá dhlínse ar leithligh i dtuairisc theicniúil chuimsitheach.
6. Ba chóir na pointí seo a leanas a thabhairt faoi deara agus an fhaisnéis sa bhuilitín á breithniú:
   • Tagraíonn rátaí leitheadúlachta le haghaidh “aon drugaí mídhleathacha” don úsáid a tuairiscíodh a baineadh as ceann amháin nó níos mó den mhéid seo a leanas: aimfeataimíní, canabas, púdar cóicín, crac, eacstaise, hearóin, dé-eitiolaimíd aigéid líseirgigh (LSD), beacáin draíochta, poppers nó tuaslagóirí - féach fonótaí leis an tábla.
   • Níorbh ionann na drugaí a cuireadh san áireamh faoi “chodlaidínigh eile” in Éirinn agus i dTuaisceart Éireann – féach na fonótaí a ghabhann leis na táblaí le haghaidh mionsonraí iomlána.
   • Níor cuireadh ceisteanna a bhain le stéaróidigh anabalacha agus Nubain ach i dTuaisceart Éireann amháin, níor cuireadh na drugaí seo san áireamh agus rátaí leitheadúlachta le haghaidh aon drugaí mídhleathacha á ríomhadh.
     
7. Mar a bhíonn i ngach suirbhé samplach, dá mhéad líon an sampla, is ea is mó gur féidir brath ar staitisticí na dtorthaí.
8. Sa chás go luaitear nár tuairiscíodh aon úsáid a bheith á baint as druga ar leith, tugann sé seo le fios nár thuairiscigh aon fhreagróir sa suirbhé gur bhaineadar úsáid as druga ar leith. Ní chiallaíonn sé nach raibh úsáid ar bith á baint as an druga sin sa limistéar, cé go dtugann sé leibhéil ísle ó thaobh úsáide le fios.

Foilsíodh Builitín 1, a sholáthair pictiúr náisiúnta ar leitheadúlacht drugaí in Éirinn, i dTuaisceart Éireann agus in oileán na hÉireann, i mí Dheireadh Fómhair 2003 agus tá sé ar fáil le híoslódáil ón ár suíomh idirlín www.nacd.ie nó i bhfoirm chruachóipe ón oifig.

Faoin gCCND and DAIRU

Bunaíodh an CCND i mí Iúil 2000 chun comhairle a thabhairt do Rialtas na hÉireann i ndáil le leitheadúlacht, cosc, cóireáil / athshlánúchán agus iarmhairtí na fadhb-úsáide drugaí in Éirinn, bunaithe ar an anailís ar thorthaí taighde agus ar fhaisnéis. Tá maoirseacht á déanamh ag an gCCND ar chlár saothair a sheachadadh maidir le fairsinge, cineál, cúiseanna agus éifeachtaí na húsáide drugaí in Éirinn. Tá an CCND comhdhéanta d’ionadaithe arna n-ainmniú ó ghníomhaireachtaí agus earnálacha ábhartha, idir reachtúil agus neamhreachtúil. Tuairiscíonn an CCND don Aire Stáit atá freagrach as an Straitéis Náisiúnta Drugaí. Tá roinnt mhaith tuairiscí foilsithe ag an gCCND, atá ar fáil ar an suíomh idirlín. Is féidir tuilleadh faisnéise a fháil ón suíomh idirlín: www.nacd.ie.

Bunaíodh an tATFDA i mí na Bealtaine 2001 chun clár faisnéise agus shaothar taighde a fhorbairt agus a bhainistiú le tacú leis an gcomhobair le Straitéisí Drugaí agus Alcóil Fheidhmeannas Thuaisceart Éireann a chur i ngníomh, ag cur le hobair a rinneadh roimhe sin chun tacú leis an Straitéis Drugaí amháin. Cuireann an dá straitéis chun suntais an gá le faisnéis mhionsonraithe ar phátrúin agus iompair ó thaobh úsáid drugaí agus ólachán chun polasaithe agus cleachtas a spriocdhíriú go héifeachtach. Chomh maith leis sin, tá lámh ag an ATFDA in obair le meastóireacht a dhéanamh ar thionscadail agus thionscnaimh arna maoiniú tríd an Straitéis Drugaí, le Bunachar Sonraí Thuaisceart Éireann um Mhí-Úsáid Drugaí a bhainistiú agus a fhorbairt agus le faisnéis a bhíonn ar fáil a scaipeadh. Tá an tATFDA lonnaithe laistigh den Roinn Sláinte, Seirbhísí Sláinte agus Sábháilteachta Poiblí. Is féidir tuilleadh faisnéise a fháil ó suíomh idirlín na Roinne sin:

www.dhsspsni.gov.uk/stats&research.

Le haghaidh tuilleadh faisnéise in Éirinn, téigh i dteagmháil le:
Pat Montague,
Montague Communications,
Teil: +353 1 837 7960
Soghluaiste: +353 87 254 9123

Le haghaidh tuilleadh faisnéise i dTuaisceart Éireann, téigh i dteagmháil le:
An tUas. Dave Rogers
Rannán Taighde agus Faisnéise ar Dhrugaí agus ar Alcól
Roinn Sláinte,
Seirbhísí Sláinte agus Sábháilteachta Poiblí Urtheach 2,
Foirgnimh an Chaisleáin Stormont,
BT4 3UD
Teil: 048 9052 2501

Baile | Teagmhálacha | Mapa suímh | Cuardach | Faoin gCCND | Nuacht agus Imeachtaí | Foilseacháin | Gníomhaíochtaí Taighde| Clár Oibre | Maoiniú Taighde | Naisc