Tá tú anseo:   Baile > Nuacht agus Imeachtaí > Preaseisiúintí

Úsáid á baint as drugaí go leanúnach ar cheann de na príomhchúiseanna go bhfanann daoine gan d ídean i riocht a bheith gan dídean, a deir an CCND

14ú Aibreán 2005

Teagmháil le haghaidh na Meán: Jane O’Dwyer (086 6491408) / Pat Montague (087 2549123) Montague Communications, teil. 01 8377960

Déardaoin, 14 Aibreán 2005 – Tá chéad mhórthuairisc na hÉireann maidir leis an úsáid drugaí agus an easpa dídine tar éis a nochtadh go bhfuil baint shoiléir idir an úsáid drugaí agus an t-easpa dídine, an ceann eile á dhéanamh níos casta agus n íos measa ag an dá cheann. Agus an Tuairisc

“Úsáid Drugaí i Measc an Daonra Gan Dídean in Éirinn” á seoladh aige, dúirt an tUas. Noel Ahern, T.D., Aire Stáit le freagracht as an Straitéis Náisiúnta Drugaí agus as Tithíocht, “go bhfuil daoine a bhfuil idir úsáid fhadhbach drugaí agus easpa dídine anuas orthu iontach leochaileach. Cuirim fáilte roimh an taighde tráthúil seo a sholáthraíonn soiléiriú a bhfuil an-ghá leis maidir le cineál agus fairsinge na mí-úsáide drugaí ag an ngrúpa seo. ”

Choimisiúnaigh an Coiste Comhairleach Náisiúnta ar Dhrugaí an taighde mar chuid den obair le Gníomh 98 den Straitéis Náisiúnta Drugaí a chomhlíonadh agus ba é Cé na gCeannaithe Éireann a rinne an taighde. Bhí agallaimh le 355 duine gan dídean ar fud na tíre i gceist leis (b’as Baile Átha Cliath do 70% díobh) chomh maith le 14 grúpa fócais le 64 soláthraí seirbhíse um easpa d ídine agus drugaí.

Tá an méid seo a leanas san áireamh sna torthaí buntábhachtacha ón tuairisc:

• Cé nach é an úsáid drugaí an phríomhchúis go mbíonn daoine gan dídean, is cúis bhuntábhachtach é go bhfanann siad gan dídean. Ba é an phríomhchúis go mbíonn daoine gan dídean ná achrann sa teaghlach;
  
• Tá an méid seo a leanas i measc cúiseanna eile go bhfanann daoine gan dídean: rochtain ar thithíocht, fadhbanna airgid, achrann sa teaghlach agus úsáid á baint as alcól go leanúnach;
  
• Bhí leitheadúlacht na húsáide drugaí sa daonra gan dídean ard agus bhí rátaí saoil (74%), le déanaí (64%) agus faoi láthair 52%) cuid mhaith níos airde ná iad siúd a fuarthas i measc an daonra ginearálta (19%, 6% agus 3% faoi seach);
  
• Ba é an canabas an druga aindleathach ba choitianta ar baineadh úsáid as arna leanúint ag hearóin thar gach tréimhse ama – saol, le bliain anuas (le déanaí) agus le mí anuas (faoi láthair);
  
• Tá an t-alcól ar an bpríomh-dhruga a roghnaítear i measc an daonra gan dídean (70%);
  
• Baineann breis is leathchuid (52%) den daonra gan dídean ar cuireadh suirbhé orthu, úsáid as drugaí faoi láthair;
  
• Úsáideoirí fadhbacha drugaí ab ea 36% díobh siúd ar cuireadh suirbhé orthu;
  
• Bhí 19% de dhaonra an staidéir ag instealladh drugaí faoi láthair, bhí duine as gach beirt á instealladh i spáis phoiblí as a measc seo;
  
• As a measc siúd a thuairiscigh go raibh siad ag baint úsáide as drugaí faoi láthair, bhí siad ag baint úsáide as 3 dhruga dhifriúla ar an meán;
  
• Bhain duine as gach ceathrar úsáideoir drugaí a bhí gan dídean i mBaile Átha Cliath faoi láthair úsáid as 5 dhruga dhifriúla nó níos mó;
  
• Bhí beagnach dhá dtrian díobh siúd a thuairiscigh go raibh siad ag baint úsáide as cóicín faoi láthair, á instealladh (úsáid á baint as púdar cóicín ag 17% faoi láthair);
  
• Bhí tinneas síciatrach arna aithint ag dochtúir ar 30% de dhaonra an staidéir;
  
• Bhí seal caite sa phríosún ag 55% de dhaonra an staidéir.
  

Dúirt Mairéad Lyons, Stiúrthóir CCND,

“Agus freagracht air as an Straitéis Náisiúnta Drugaí agus as Tithíocht, tá an tAire in áit ar leith le dul i ngleic leis na fadhbanna sonracha a théann go holc d’úsáideoirí drugaí gan dídean. Táimid muiníneach go gcabhróidh torthaí an taighde seo le seirbhísí feabhsaithe a fhorbairt agus a phleanáil d’úsáideoirí drugaí gan dídean. Tá sraith mholtaí leagtha amach againn lena gclúdaítear ceithre réimse bhuntábhachtacha: polasaithe agus pleanáil, cóireáil drugaí, laghdú díobhála agus cóiríocht agus tith íocht.”

Maidir le polasaithe agus pleanáil, is é an príomh-mholadh atá déanta ag an gCCND gur chóir go bhforbródh gach seirbhís um easpa dídine agus drugaí polasaithe scríofa a mbeidh sé d’aidhm acu úsáideoirí drugaí gan dídean a chuimsiú go dearfach ina gcuid seirbhísí – luaigh 86% díobh siúd ar cuireadh suirbhé orthu cóiríocht chobhsaí mar an príomhriachtanas seirbhíse. I dtaca leis seo, tá sé molta ag an gCCND gur chóir go gcomhaontófaí prótacail le húdaráis áitiúla agus le soláthraithe eile tithíochta lena chinntiú gur féidir le daoine a n-éiríonn leo cláir tithíochta trasdula a chur i gcrích, cóiríocht fhadtéarmach a fháil. Sa ghearrthéarma, molann an CCND freisin gur chóir go gcinnteofaí bealaí le teacht ar sholáthar leordhóthaineach de chóiríocht éigeandála a bheidh oiriúnach agus solúbtha. Thar an bhfadtéarma, ba chóir go mbeadh soláthar leordhóthaineach de thithíocht shóisialta agus dheonach ar f áil.

Do sholáthraithe seirbhíse drugaí, ba é an príomhdhúshlán a tuairiscíodh ná maidir le bheith ag iarraidh freastal ar na riachtanais iomadúla atá ag úsáideoirí drugaí. De réir soláthraithe seirbhíse, is minic nach raibh dóthain acmhainní ná foirne i gceist le cáilíocht na seirbhísí arna dtairiscint d’úsáideoirí drugaí gan dídean.

Do sholáthraithe seirbhíse um easpa dídine, tá easpa eolais, oiliúna agus taithí maidir le saincheisteanna drugaí ar na bacainn í atá rompu faoi láthair.

Tá sé molta ag an gCCND gur chóir go mbeadh ionadaithe ó sheirbhísí drugaí agus/ nó thascfhórsaí drugaí curtha san áireamh i ngach Fóram um Easpa Dídine trasna na tíre, in éineacht le gealltanas le forbairt ghairmiúil an dá sholáthraí seirbhísí a mhaoiniú, chun comhoibriú níos mó a éascú idir gníomhaireachtaí. Ar an gcaoi chéanna, ba chóir ionadaithe thar ceann seirbhísí um easpa dídine a bheith curtha san áireamh i dTascfhórsaí Réigiúnacha agus Áitiúla ar Dhrugaí.

Ag caint dó maidir leis an tuairisc, dúirt an tAire Ahern “ go bhfuil sé soiléir go bhfuil riachtanais úsáideoirí drugaí gan dídean ina ndúshlán do roinnt Ranna agus Gníomhaireachtaí Rialtais agus, maidir leis seo, tá áthas orm a thabhairt faoi deara go raibh feabhsuithe ar na bealaí a sheachadtar seirbhís thar shaolré an taighde seo. Lena chois sin, tá na torthaí curtha san áireamh cheana féin san Athbhreithniú Lárthéarma ar an Straitéis Náisiúnta Drugaí agus breithneofar iad mar chuid den Athbhreithniú ar an Straitéis um Easpa Dídine.”

CRÍOCH

Nótaí don Eagarthóir:

Tá freagracht ar an Aire Stáit as an Straitéis Drugaí agus as Gnóthaí Pobail ag an Roinn Gnóthaí Pobail, Tuaithe agus Gaeltachta agus as Tithíocht agus Athnuachan Uirbeach ag an Roinn Comhshaoil, Oidhreachta agus Rialtais Áitiúil.

Coimisiúnaíodh an taighde seo in 2002 agus thug an tAonad Taighde i gCé na gCeannaithe Éireann faoi. Scríobh an tAire Stáit chuig an gCCND á iarraidh orainn an úsáid drugaí i measc an ghrúpa leochailigh seo a imscrúdú. Lena chois sin, comhlíonann sé cuid dár ndualgais i ndáil le Gníomh 98 den Straitéis Náisiúnta Drugaí 2001-2008 chun staidéir a dhéanamh ar an mí-úsáid drugaí i measc na ngrúpaí a aithníodh mar ghrúpaí atá i mbaol m.sh. Lucht Siúil, striapaigh, daoine gan dídean, daoine a d’fhág an scoil go luath, srl., lena n-áirítear sonraí ar na grúpaí seo a dhí-leithscaradh. Tá sé bunriachtanach go mbíonn na daoine agus na grúpaí is mó a dtéann mí-úsáid drugaí i bhfeidhm orthu, agus iad siúd a bhíonn bainteach le hobair chun mí-úsaid drugaí a laghdú, a chóireáil agus a chosc, in ann teacht ar fhaisnéis ábhartha ar an bpointe.

Tar éis tairiscinte oscailte, bronnadh an conradh ar Ché na gCeannaithe Éireann. Rinne beirt taighdeoir laistigh dá nAonad Taighde, Marie Lawless, Uas. agus Caroline Corr, Uas. an taighde. Cuireadh an taighde i ngníomh faoi threoir agus thacaíocht ghrúpa um chomhairle taighde, a bhí comhdhéanta d’ionadaithe ó Fhócas Éireann, Údarás Sláinte Réigiúnach an Oirthir, Foireann na Straitéise Náisiúnta Drugaí, Simon Bhaile Átha Cliath, an tAonad um Dhaoine Gan Dídean, Bord Sláinte an Limistéir Thuaidh (Oifig na Riachtanas Speisialta agus na Comhairleoireachta Drugaí), an Ghn íomhaireacht um Easpa Dídine agus an CCND.

Modheolaíocht an Taighde

Forbraíodh ceistneoir le cúnamh an ghrúpa um chomhairle taighde agus lorg siad faisnéis ar thréithe pearsanta, chineálacha cóiríochta, eispéiris ar an easpa dídine, sláinte (idir fhisiciúil agus mheabhrach), ioncam, úsáid drugaí agus alcóil, iompair ar riosca iad, teagmháil le seirbhísí reatha agus féinmheasúnacht ar riachtanais reatha.

Baineadh úsáid as uirlisí scagtha sonracha atá aitheanta go hidirnáisiúnta chun úsáid fhadhbach substaintí a dhéanamh amach. Is éard atá san AUDIT (Alcohol Use Disorders Identification Test Screening Instrument) ná scála lena mbaineann 10 mír agus atá deartha chun scagadh a dhéanamh le féachaint an bhfuil fadhbanna alcóil ann; is éard atá sa DAST (Drug Abuse Screening Test) ná scála lena mbaineann 20 mír agus lena n-aithnítear úsáid fhadhbach drugaí, agus a cuireadh in oiriúint do thoscaí an staidéir agus a laghdaíodh go dtí scála lenar bhain 10 mír; is éard atá i sa SDS (Severity of Dependence Scale) ná scála lena mbaineann 5 mhír agus atá deartha le déine an spleáchais ar dhrugaí éagsúla a thomhas.

Earcaíodh thart ar 9 n-Oibrí allamuigh, nach raibh lámh acu go díreach in obair le seirbhísí um easpa dídine a sholáthar agus cuireadh oiliúint orthu leis an suirbhé a dhéanamh. Rinneadh na sonraí a bhailiú de réir a chéile trasna seirbhísí difriúla agus riaradh formhór na suirbhéanna agus na daoine earcaithe, mar gheall ar nós maireachtála an ghrúpa a bheith trína ch éile.

Sampláil:

Toisc nach bhfuil aon bhealach deifinídeach go mbeifí ar an eolas faoin daonra iomlán atá gan dídean mar gheall go mbíonn an tsoghluaisteacht agus an neamhchónaitheacht de dhlúth is d’inneach ann, rinneadh cuótaí amach le haghaidh ceithre limistéar uirbeacha – Baile Átha Cliath, Corcaigh, Luimneach agus Gaillimh. Threoraigh Cuntas na hInstitiúide um Thaighde Eacnamaíochta agus Sóisialta / na Gníomhaireachta um Easpa Dídine ar dhaoine gan dídean sampla Bhaile Átha Cliath agus gan tagairt á déanamh sa chuntas úd ach dóibh siúd a bhí i dteagmháil le seirbhísí um easpa dídine. Bhí trí athróg sa chuntas: inscne, aois agus cineál príomhchóiríocht. Baineadh úsáid as sampláil de réir cuótaí i limistéir uirbeacha eile, bunaithe, a bheag nó a mhór, ar chineál cóiríocht amháin agus feidhm á baint as sonraí ó mheasúnachtaí na n- údarás áitiúil ar an easpa dídine.

Tugadh aitheantóir ar leith do gach duine ar cuireadh agallamh air nó uirthi le seachaint is nach gcuirfí agallamh orthu n íos mó ná uair amháin sa suirbhé.

Pr óifíl ar an Duine Gan Dídean sa Staidéar:

Is éard atá sa mhéid seo a leanas ná cur síos achomair ar thréithe shonraí shampla an tsuirbhé a bail íodh ó 355 duine gan dídean:

• Inscne: Fir ab ea 69%; mná ab ea 31% den sampla.
  
• Aois: Ba é meánaois na bhfear ná 29 agus meánaois na mban ná 24.
  
• Oideachas: Ní raibh ach oideachas bunscoile ag 25% díobh; bhí bunchuid an dara leibhéil bainte amach ag 50%; bhain 15% leibhéil uachtaracha na meánscoile amach; bhain 6% tríú leibhéal amach agus 4% oideachas eile amhail oiliúint agus printíseachtaí FÁS.
  
• Fostaíocht: Bhí 66% dífhostaithe; ní raibh 24% in ann obair a dhéanamh; bhí 10% ag obair, éirithe as obair (ar scor), ar chúrsa oiliúna nó ag tógáil leanaí.
  
• Príosún: Bhí seal caite sa phríosún ag 55%.

Próifíl ar Úsáideoirí Fadhbacha Drugaí a bhí Gan Dídean:

• mó seans gurb pola-úsáideoirí drugaí a bheadh iontu
  
• mó seans go mbeidís níos óige ar an meán ná an chuid eile den sampla (28 mbliana d’aois vs 33 bliana d’aois sa chuid eile den sampla)
  
• mó seans go mbeidís gan dídean den chéad uair ag aois níos óige
  
• mó seans go mbeidís i gcóiríocht de shórt B&B (28% vs 19% den chuid eile den sampla)
  
• mó seans go mbeidís ag codladh amuigh (21% vs 16%)
  
• mó seans go mbeadh taithí acu ar a bheith i bpríosún.

Saincheisteanna drugaí de réir cineál príomhchóiríocht:

• As measc na ndaoine a bhí ina gcónaí i mbrúnna ar cuireadh an suirbhé orthu, bhain duine as gach naonúr (11%) úsáid as 5 dhruga nó níos mó agus scóráladh duine as gach triúr (31%) mar úsáideoirí fadhbacha drugaí
  
• As measc na ndaoine a bhí ina gcónaí in B&Beanna ar cuireadh an suirbhé orthu, bhain duine as gach seisear (17%) úsáid as 5 dhruga nó níos mó agus scóráladh duine as beirt (51%) mar úsáideoirí fadhbacha drugaí
  
• As measc na ndaoine a chodlaíonn amuigh ar cuireadh an suirbhé orthu, bhain duine as gach cúigear (20%) úsáid as 5 dhruga nó níos mó agus scóráladh beagnach duine as gach beirt (46%) mar úsáideoirí fadhbacha drugaí

CRÍOCH

Le haghaidh tuilleadh faisnéise, téigh i dteagmháil le Jane O’Dwyer (086 6491408) / Pat Montague (087 2549123) ag Montague Communications, teil. 01 8377960.

Baile | Teagmhálacha | Mapa suímh | Cuardach | Faoin gCCND | Nuacht agus Imeachtaí | Foilseacháin | Gníomhaíochtaí Taighde| Clár Oibre | Maoiniú Taighde | Naisc