Tá tú anseo:   Baile > Nuacht agus Imeachtaí > Preaseisiúintí

Cuireann tuairisc nua chun suntais a mhéid is a d’fhéadfadh seirbhísí tacaíochta teaghlaigh cabhrú le druga í a chosc – deis nach bhfuil á tapú

12ú Samhain 2004

Déardaoin, 11ú Samhain 2004 – Níl fadhbanna drugaí ina bhfócas dá n-oibre ach ag an gcúigiú cuid de Sheirbhísí Tacaíochta Teaghlaigh (STT), de réir tuairisce a sheol an tUas. Noel Ahern, T.D., Aire Stáit don Straitéis Náisiúnta Drugaí ag an Roinn Gnóthaí Pobail, Tuaithe agus Gaeltachta inniu [Dé hAoine, 12 Samhain]. Scrúdaíonn an tuairisc, a choimisiúnaigh an Coiste Comhairleach Náisiúnta ar Dhrugaí (CCND), ról na Seirbhísí Tacaíochta Teaghlaigh ó thaobh a bheith ag freagairt d’fhadhbanna drugaí agus iad a chosc.

Bíonn sé d’aidhm ghinearálta ag Seirbhísí Tacaíochta Teaghlaigh tacú le teaghlaigh agus raon seirbhísí a sholáthar lena n-áirítear comhairleoireacht, treoir, tacaíocht do thuismitheoirí, comhairle, roinnt oibre óige agus forbartha pobail.

“Is léir do chách tábhacht an teaghlaigh i sochaí na hÉireann agus, mar sin, tá áthas ar leith orm fáilte a chur roimh an tuairisc seo. Imríonn teaghlaigh láidre ról fíorthábhachtach agus páistí ag forbairt agus soláthraíonn siad scileanna don saol dóibh. Dá réir sin, má táimid le cosc drugaí a mhéadú, caithifimid aghaidh a thabhairt ar an tsaincheist ó thaobh a bheith ag tacú le teaghlaigh, go háirithe leo siúd atá i mbaol. Sa chomhthéacs seo, creidim gurb é seo an t-am cuí chun feasacht a leathnú agus feabhsuithe ar sheirbhísí do theaghlaigh a dhéanamh, tá súil agam, ”

arsa an tAire Ahern.

Bhí suirbhé san áireamh sa tuairisc, dar teideal “Ról Seirbhísí Tacaíochta Teaghlaigh agus Drugaí á gCosc” ar 461 soláthraí STT. Tá 81% de na seirbhísí a d’fhreagair lonnaithe i limistéir faoi mhí-bhuntáiste agus tá 50% díobh lonnaithe i ndobharcheantar a ngabhann tascfhórsa áitiúil ar dhrugaí leis. Tairgtear seirbhísí éagsúla do chliaint de réir mar a bhí mórfhócas nó mionfhócas ar dhrugaí i ngníomhaíocht a seirbhíse, nó fócas ar bith. Tá an méid seo a leanas san áireamh sna tortha í buntábhachtacha ón suirbhe:

• D'aontaigh breis is leath na bhfreagróirí (57%) go gcabhraíonn a gcuid seirbhísí le drugaí a chosc ar bhealach dearfach.
• Dá aineoinn sin, sheol tromlach na seirbhísí, 93%, daoine a tháinig i láthair le fadhbanna drugaí, ar aghaidh chuig seirbhís eile.
• Ba é mí-úsáid an alcóil an rud ba choitianta a thuairiscigh na seirbhísí, agus ba choitianta mí-úsáid drugaí ar oideas agus mí-úsáid drugaí mídhleathacha a bheith á dtuairisciú i limistéir uirbeacha a bhí níos mó.
• Chuaigh an úsáid drugaí i bhfeidhm ar chaidrimh sa teaghlach, rud a thaispeáin an suirbhe a chuir le fadhbanna idir tuismitheoirí (61%), le tuismitheoirí (61%) agus le deacrachtaí tuismitheoireachta (59%).

Taispeánann na torthaí go mbraitheann na seirbhísí ar fad nach bhfuil siad iomlán muiníneach astu féin agus iad ag déileáil le teaghlaigh a bhfuil fadhbanna drugaí acu. Tá an t-easpa muiníne seo tagtha chun cinn de bharr easpa soiléire ina ról le seirbhís a sholáthar do theaghlaigh a bhfuil fadhbanna drugaí acu; easpa scileanna chun oibriú leis na teaghlaigh seo ar bhealach a n-éireodh leis, agus easpa tacaíochta laistigh den eagraíocht chun seirbhís a thabhairt do na teaghlaigh seo.

Dúirt Dr Mary Ellen Mc Cann, Leas-Chathaoirleach an CCND,

“Is léir go dtarlaíonn iarrachtaí coisc, idir fhoirmiúil agus neamhfhoirmiúil, i gcuid mhaith suíomh difriúil laistigh den phobal níos leithne, laistigh de scoileanna agus go príomha laistigh den bhaile. An rud atá spéisiúil faoin tuairisc seo ná gur féidir le Seirbhísí Tacaíochta Teaghlaigh, go minic i ngan fhios dóibh, ról a imirt le teaghlaigh agus daoine aonair sna teaghlaigh a láidriú ó thaobh a bhfreagairtí ar fheiniméan na ndrugaí. Ó thaobh an chliaint de, soláthraíonn tacaíocht ghníomhach don teaghlach tacaíocht mhothúchánach dóibh, braistint an dóchais agus tacaí praiticiúla amhail faisn éis agus a bheith ag plé a gcáis thar a gceann.”

Tá na moltaí seo a leanas déanta ag an gCCND chun acmhainn na STT a mhéadú le freagairt d’fhadhbanna druga í agus iad a chosc:

• Ba chóir cumas na seirbhísí le freagairt, a mhéadú trí leibhéal oiriúnach acmhainní/maoinithe a sholáthar in éineacht le hoiliúint oiriúnach do bhaill foirne atá i mbun seirbh ísí.
• Ba chóir nascanna agus líonraí idir gníomhaireachtaí a láidriú trí eolas a fhorbairt ar shaincheisteanna agus ar dhearcaí an phobail áitiúil, trí chumarsáidí a fheabhsú agus trí fheasacht ar sheirbhísí agus ar ghn íomhaíochtaí a mhéadú.
• Ba chóir uirlisí monatóireachta agus meastóireachta a bhainfidh le hábhar a fhorbairt chun teacht suas le tionchar ghníomhaíochtaí na seirbhísí ar theaghlaigh maidir le druga í a chosc.

Le haghaidh tuilleadh faisnéise, téigh i dteagmháil le: Jane O’Dwyer (086 6491408) / Pat Montague (087 2549123) ag Montague Communications, Teil. 01 8377960 n ó ríomhphost jodwyer@montaguecomms.ie

Baile | Teagmhálacha | Mapa suímh | Cuardach | Faoin gCCND | Nuacht agus Imeachtaí | Foilseacháin | Gníomhaíochtaí Taighde| Clár Oibre | Maoiniú Taighde | Naisc