Tá tú anseo:   Baile > Nuacht agus Imeachtaí > Preaseisiúintí

IMNÍ AN CCND MAIDIR LE hÚSÁID AN CHÓICÍN IN ÉIRINN

9ú Nollaig 2003

Tá sé ráite ag an gCoiste Comhairleach Náisiúnta ar Dhrugaí (CCND) inniu go bhfuil úsáid an chóicín in Éirinn ina húdar imní.

Dúirt Dr Des Corrigan, Cathaoirleach an CCND, an méid seo a leanas agus tuairisc nua leis an gCCND á sheoladh aige, dar teideal, ‘Forléargas ar Úsáid an Chóicín in Éirinn’.

“Tugann an tuairisc le fios go bhfuil roinnt réimsí ann atá ina n-údar imní go háirithe an méid a bhaineann le cóicín a bheith á instealladh ag roinnt úsáideoirí agus cuireann sé bearnaí sa mhéid atá ar eolas againn chun suntais maidir leis an ‘úsáid áineasa’, faoi mar a thugtar air, a bheith á baint as púdar cóicín. Lena chois sin, níor chóir méid an dúshláin atá roimh na líonraí maidir le drugaí a chosc agus roimh na seirbhísí cóireála, ó thaobh druga eile a mbaineann iarmhairtí tromchúiseacha sóisialta, pearsanta agus sláinte leis a chur isteach i meascán a gcuid c ásanna, a thuiscint faoi bhun an chirt.”

Torthaí Buntábhachtacha:

• I suirbhé ar 100 úsáideoir cóicín ag UISCE (Aontas ar son Seirbhísí, Cumarsáide agus Oideachais F(h)eabhsaithe), thuairiscigh amuigh is istigh ar leath na bhfreagróirí (48%) go raibh siad faoi chóireáil mar gheall ar spleáchas ar an hearóin
  
• Thaispeáin suirbhé ar 100 úsáideoir drugaí a bhí ag freastal ar an Ionad Teagmhála i gCé na gCeannaithe Éireann (CCÉ) go raibh úsáid bainte as cóicín ag 95% díobh le bliain anuas
  
• Bhí ardleibhéil phola-úsáide drugaí ar siúl ag cuid mhaith díobh siúd ar cuireadh suirbhé orthu (UISCE agus CCÉ) lena n-áirítear alcól, beinseadé-asaipíní, hearóin agus canabas
  
• Thuairiscigh tromlach na ndaoine sa dá shuirbhé gur bhaineadar úsáid as ar bhonn seachtainiúil
  
• Thuairiscigh cuid nach beag (40% UISCE agus 20% CCÉ) úsáid laethúil agus 4 uair sa lá de mhinicíocht ar an meán acu
  
• Níor thuairiscigh ach céatadán beag sa dá shuirbhé gur lorg siad cóireáil mar gheall go raibh úsáid an chóicín ina fadhb acu, cé go raibh sé ina údar suntais go ndeachaigh raon éifeachtachtaí aimhleasacha nó deacrachtaí do go leor díobh.
  

Torthaí Eile:

• Taispeánann Suirbhé an CCND & an Aonaid um Thaighde agus Fhaisnéis ar Dhrugaí agus Alcól ar Leitheadúlacht Drugaí (2003) gur thuairiscigh 3% den daonra ginearálta gur bhain siad úsáid as cóicín uair amháin ar a laghad agus thuairiscigh níos lú ná 1% gur bhaineadar úsáid as crac riamh. Bhí an Leitheadúlacht Saoil ab airde i measc daoine idir 15-24 bliana d’aois.
  
• Thaispeán suirbhé SLAN (2003) gur tháinig ardú ar leibhéil úsáid an chóicín ó 1.8% d’fhir in 1998 go dtí 3% in 2002 a thuairiscigh gur bhaineadar úsáid as cóicín le bliain anuas. Bhí an toradh seo comhleanúnach i measc na mban agus ardú ó 0.6% in 1998 go dtí 1.9% in 2002.
  
• Tá dúbailt tagtha nach mór ar líon na gcionta a bhaineann le cóicín faoin Acht um Mí-Úsáid Drugaí i rith na tréimhse 1999 go dtí 2001, cé nach bhfuil sna cionta seo go fóill ach cuid bheag (3%) de líon na gcionta ar fad.
  
• D’fhan líon na n-urghabhálacha cóicín chomh fada le 2001 mar an gcéanna ag 3%.
  
• Thuairiscíonn Bord an Lárionaid Cóireála Drugaí gur tháinig méaduithe substaintiúla ar líon na samplaí fuail a thug torthaí dearfacha le haghaidh cóicín i measc dhaonra na ndaoine a bhí faoi chóireáil le haghaidh drugaí ó 2000.
  
• Caithfear aghaidh a thabhairt ar bhraistintí gur druga sábháilte é an cóicín. Téann céimeanna éagsúla riosca leis na modhanna lena thógáil isteach, mar atá, a bheith á análú isteach tríd an tsrón, á ionanálú agus á instealladh.
  
• Taispeánann an Córas Tuairiscithe Náisiúnta ar Dhrugaí (CTND) go bhfanann líon na ndaoine a thuairiscíonn cóicín mar a bpríomh-fhadhb-dhruga beag go seasmhach ag 1% de líon na gcásanna ar fad atá ag freastal ar chóireáil drugaí chomh fada leis an mbliain 2000. Bhí ardú ar líon na ndaoine a thuairiscíonn cóicín mar a bpríomh-fhadhbdhruga tánaisteach i rith na tréimhse 1996 go dtí 2000 ó 1% go dtí 7%.
  

Ag caint di faoin mbealach go bhféadfadh seirbhísí dul i gceann na faidhbe seo, ghlac Mairéad Lyons, Uas., Stiúrthóir an CCND, leis go dtagann cur chuigeanna i leith drugaí a chosc in Éirinn leis an scothchleachtas go hidirnáisiúnta agus ba chóir leanúint ar aghaidh le hinfheistíocht sa r éimse seo. Dúirt sí, áfach,

"nach mór aghaidh a thabhairt ar na braistintí i leith an chóicín gur druga sábháilte atá ann mar gheall ar leibhéil na n-iompair arb údar riosca iad a bhaineann le trealamh a bheith á roinnt lena instealladh, lena análú isteach tríd an tsrón agus lena chaitheamh. Níl aon druga ionaid le spleáchas ar an gcóicín a chóireáil, tá cláir struchtúrtha ag teastáil le seirbhísí croílárnacha amhail comhairleoireacht aonair nó i ngrúpa. Tá dúshlán ollmhór roimh sheirbhísí cóireála drugaí trasna na n-earnálacha ó thaobh úsáid fhadhbach an chóicín a bhainistiú i measc dhaonra na ndaoine atá faoi chóireáil le haghaidh drugaí codlaidíneacha."

Tuilleadh Faisnéise:

Paul Daly
Montague Communications
5 Ascaill Ghort an Tobair
Droim Conrach
Baile Átha Cliath 9

Teil: +353 1 837 7960
Soghluaiste:+353 87 223 5187

Mairéad Lyons
Stiúrthóir
CCND
3ú hUrlár Floor
Teach Shíol Bhroin
Bóthar Shíol Bhroin
Droichead na Dothra
Baile Átha Cliath 4

Teil: +353 1 667 0760 / 0869
Soghluaiste: +353 87 798 0614

Nóta don Eagarthóir

Rinneadh suirbhéanna arna ndéanamh ag UISCE (Aontas ar son Seirbhísí, Cumarsáide agus Oideachais F(h)eabhsaithe) agus ag CCÉ (Cé na gCeannaithe Éireann) thar ceann an CCND.

Rinneadh suirbhé UISCE agus úsáid á baint as ceistneoir arna soláthar ag an gCCND i rith mhí na Samhna agus mhí na Nollag 2002. Cuireadh anailís i gcrích ar SPSS. Tháinig ionadaithe UISCE ar úsáideoirí cóicín trí líonra úsáideoirí drugaí, as chuile chearn den chathair agus daoine a bhaineann úsáid áineasa as an druga san áireamh.

Baile | Teagmhálacha | Mapa suímh | Cuardach | Faoin gCCND | Nuacht agus Imeachtaí | Foilseacháin | Gníomhaíochtaí Taighde| Clár Oibre | Maoiniú Taighde | Naisc