Tá tú anseo:   Baile > Nuacht agus Imeachtaí > Preaseisiúintí

CUIREANN AN tAIRE EOIN RYAN, T.D., FÁILTE ROIMH CHÉAD THUAIRISC AN CHOISTE CHOMHAIRLIGH N ÁISIÚNTA AR DHRUGAÍ

7ú Nollaig 2001

Sheol an tUas Eoin Ryan, T.D., Aire um Fhorbairt Áitiúil le freagracht speisialta as an Straitéis Náisiúnta Drugaí, an chéad tuairisc leis an gCoiste Comhairleach Náisiúnta ar Dhrugaí, dar teideal 'Úsáid Drugaí á Chosc: Forléargas ar Thaighde’ inniu (Dé hAoine 7ú Nollaig, 2001).

Dhearbhaigh an tuairisc seo an pointe buntábhachtach nach bhfuil aon fhreagra shimpl í amháin ann ar fhadhb na ndrugaí in Éirinn.

"Ionas go n-éireoidh leis na cláir um drugaí a chosc, caithfidh siad gan a bheith ag feidhmiú astu féin amháin, ach oibriú i gcomhpháirtíocht le scoileanna, grúpaí pobail, teaghlaigh, agus grúpaí óige. Níl aon fhreagairt éifeachtach amháin ann ar an mí-úsáid drugaí – tá an scéal i bhfad níos casta ná sin agus baineann sé leis na nascanna idir úsáid fhadhbach drugaí agus gnéithe agus iarmhairtí éagsúla den d íothacht shóisialta."

Arsa an tAire Ryan.

Tá an léirbhreithniú, arna scríobh ag Dr Mark Morgan ó Choláiste Naomh Pádraig, Droim Conrach, bunaithe ar thaighde ar chláir um mí-úsáid agus chosc drugaí in Éirinn, agus ar an gcomhthéacs idirnáisiúnta ó na seascaidí go dtí an lá atá inniu ann.

" Tagann fadhbanna casta leis an mí-úsáid drugaí, ach baineann an fhadhb drugaí is tromchúisí in Éirinn le codlaidínigh agus baineann sin a bheag nó a mhór leis an díothacht sóisialta agus eacnamaíochta. Tá cur chuige cuimsitheach ag teastáil le haghaidh a thabhairt ar an bhfadhb seo, a bhaineann le fachtóirí teaghlaigh agus pobail agus cuireann sé tábhacht na ndeiseanna oideachais chun suntais freisin. "

arsa Dr Morgan.

Lean an tAire Ryan leis á rá

" Tá sé beartaithe leis an Straitéis Náisiúnta Drugaí, 2001 - 2008 an mhí-úsáid a bhíonn ar siúl ag daoine a théann chuig an scoil, a thabhairt anuas faoi bhun mheánráta an AE agus, mar chéad chéim, leibhéal na mí-úsáide substaintí ag na daoine sin a laghdú de 15% faoi 2003 agus de 25% faoi 2007. Is é luach na Tuairisce seo ó thaobh an sprioc seo a bhaint amach ná go ngníomhóidh sé mar fhoinse eolais agus mar theoir le haghaidh dea-chleachtais dóibh siúd ar fad atá ag obair sa réimse maidir le drugaí a chosc".

Dar leis an Tuairisc, tá an ghaolmhaireacht idir riosca a aithint agus cosc criticiúil. Dá bhféadfaí fachtóirí riosca a aithint, fachtóírí a chabhraíonn leis na cúiseanna leis an úsáid drugaí a shonrú, d’fhéadfaidís bheith ina gcúnamh ansin leis na bealaí idirghabhála is oiri únaí a mholadh.

Cuireann an Tuairisc chun suntais gur sheachain cur chuigeanna an fheachtais fhrith-dhrugaí ab éifeachtaí taicticí na heagla agus ó thaobh na moráltachta, leag sé béim ar na hiarmhairtí gearrthéarmacha, seachas fadtéarmacha, agus sheachain sé úsáid a bheith á baint as urlabhraithe mór le rá ar an ábhar gur minic a bhíonn daoine óga in amhras faoina mhéid is a bhíonn siad seo fírinneach.

Tá fianaise ann go méadaíonn an dóchúlacht go dtiocfaidh fadhbanna chun cinn i nduine óg ar aon dul díreach le líon na bhfachtóirí riosca a théann dóibh. Lena rá ar bhealach eile, cé go bhféadfaidh leanaí a bheith sách láidir leis an bhfód a sheasamh in aghaidh tionchair amháin, má théann roinnt tionchar diúltach dóibh in éineacht, méadaíonn na seansanna go dtiocfaidh fadhbanna chun cinn iontu go substaintiúil.
Chuir an tAire Ryan focal scoir leis á rá

"Cabhróidh an taighde ar thug an Coiste Comhairleach Náisiúnta ar Dhrugaí faoi ar bhealach an-luachmhar le polasaithe drugaí in Éirinn a fhorbairt trí chur chuige níos fócasaithe agus lánpháirtithe a sholáthar i leith anailíse ar shonraí."

Le haghaidh tuilleadh faisnéise téigh i dteagmháil le:

Mairéad Lyons
Stiúrthóir
CCND
3ú hUrlár
Teach Shíol Bhroin
Bóthar Shíol Bhroin
Droichead na Dothra
Baile Átha Cliath 4

Teil: +353 1 667 0760 / 0869
Soghluaiste: +353 87 798 0614

Baile | Teagmhálacha | Mapa suímh | Cuardach | Faoin gCCND | Nuacht agus Imeachtaí | Foilseacháin | Gníomhaíochtaí Taighde| Clár Oibre | Maoiniú Taighde | Naisc