Tá tú anseo:   Baile > Nuacht agus Imeachtaí > Preaseisiúintí

Treoirlínte ag teastáil maidir leis an dédhiagnóis a bhainisti ú

1ú Samhain 2004

Dé Luain, 1ú Samhain 2004 – Fuarthas le chéad tuairisc na hÉireann maidir le daoine a bhfuil fadhbanna sláinte meabhraí agus andúile acu, nach bhfuil aon seirbhís shonrach ann i bhformhór na gcásanna do dhaoine a bhfuil dédhiagnóis acu. Tagraíonn an dédhiagnóis d’fhadhbanna andúile agus sláinte meabhraí a bheith ann in éineacht le chéile.

Sheol an tUas Noel Ahern, T.D., Aire Stáit don Straitéis Náisiúnta Drugaí ag an Roinn Gnóthaí Pobail, Tuaithe agus Gaeltachta, an tuairisc dar teideal “Seirbhísí Sláinte Meabhraí agus Andúile agus mar a Bhainistítear an Dédhiagnóis in Éirinn”, arna foilsiú ag an gCoiste Comhairleach Náisiúnta ar Dhrugaí (CCND), ag comhdh áil ar an Tulach Mhór inniu (Dé Luain 1.11.04).

D’ullmhaigh foireann taighdeoirí ag Ollscoil Chathair Bhaile Átha Cliath an tuairisc faoi sti úir Liam MacGabhann.

Fuarthas leis an tuairisc:

• Gur gá an bealach a chomhordaítear cúram idir seirbhísí sláinte meabhraí agus andúile a bhunú ar bhonn níos córasaí i ngach bord sláinte mar gheall ar an bhfíric nár léirigh ach 21% de sheirbhísí go raibh polasaí acu maidir leis an d édhiagnóis;
  
  
• Go bhfuil na bealaí gur féidir le daoine teacht ar sheirbhísí teoranta mar gheall ar chritéir eisiatachta a fheidhmítear i leith daoine a bhfuil dédhiagnóis acu i seirbhísí andúile (58%) agus sláinte meabhraí (43%) araon rud a mhéadaíonn leochaileacht an ghr úpa seo daoine;
  
  
• Bíonn an fháil a bhíonn ag daoine ar sheirbhísí teoranta sa chás, i roinnt cásanna, nach gcuirfidh seirbhísí sláinte meabhraí cóireáil ar dhuine atá ar chlár cothabhála meatadóin, agus ní chuirfidh roinnt seirbhísí andúile cóireáil ar dhuine dá andúil má tá mórthinneas meabhrach dulta in ainseal air/uirthi. Seo critéir eisiatachta eile a mbaintear úsáid astu:
  • más mí-úsáid substainte an phríomh-neamhord (seirbhísí sláinte meabhraí);
  • má tá iompar foréigneach ar siúl ag an duine, nó
  • má fheictear nach bhfuil an duine in ann ag déine na cóireála.
    
    
• D’aontaigh 75% de sholáthraithe seirbhíse go soláthródh seirbhís a bheadh lánpháirtithe ina hiomláine an bealach ab éifeachtaí le dédhiagnóis a bhainistiú. Thug na seirbhísí sin a bhfuil défhreagracht orthu le fios go raibh níos mó comh-mheasúnú agus comh-bhainistiú ar siúl acu maidir le cásanna ná iad siúd nach raibh ach freagracht seirbhíse singil, orthu, rud a thacaíonn mar sin leis an gcás le cúram a lánpháirtiú.
  

Ag labhairt dó ag an seoladh, dúirt an tAire Ahern “go bhfuil forbairt treoirlínte criticiúil chun seirbhísí a fheabhsú agus a sholáthar don ghrúpa daoine leochaileacha seo. Mar gheall ar an bhfianaise ón litríocht idirnáisiúnta, is eol dúinn go bhféadfaidh leitheadúlachtaí éagsúla a bheith i gceist maidir le líon na daoine a bhfuil neamhord sláinte meabhraí orthu agus a d’fheadfadh neamhord maidir le mí-úsáid substainte a bheith orthu freisin, idir chomh líonmhar le duine as gach beirt go dtí duine as gach ceathrar, is léir go bhfuil údar imní ann. Is é sin an fáth go bhfuil taighde sa r éimse seo chomh tábhachtach sin.”

Dúirt Dr Eamon Keenan, Cathaoirleach Fhochoiste an CCND um Chóireáil / Athshl ánúchán,

“Cuireann an tuairisc seo chun suntais an doiléire atá ann faoi láthair i ndáil le dédhiagnóis a aithint agus a chóireáil araon sa tír seo. Sula ndearnadh an tuairisc seo, ní raibh aon fhianaise fhoilsithe ann maidir leis an mbealach a bhí an dédhiagnóis á bainistiú in Éirinn, agus táimid buíoch de Liam MacGabhann agus dá fhoireann as an staidéar ceannródaíoch seo. Fadhb shuntasach ó thaobh na sláinte poiblí is ea é seo a éilíonn comhordú i bhfad níos mó idir na seirbhísí ábhartha.”

Tá sraith mholtaí déanta ag an gCCND lena n-áirítear:

• Go mbunófar coiste faoin Roinn Sláinte agus Leanaí le haghaidh a thabhairt ar threoirlínte agus treoirlínte a fhorbairt bunaithe ar an scothchleachtas idirnáisiúnta chun d édhiagnóis a bhainistiú in Éirinn;
• Gur chóir go leanfaí ar aghaidh le hothair, a raibh meatadón á fháil acu sular cuireadh isteach in áis shíciatrach iad, a choinneáil ar an oideas sin agus iad faoi ch úram síciatrach; agus
• Gur chóir go soláthrófaí oiliúint agus oideachas feabhsaithe trasna gach disciplín sa dá earnáil.
  

Dúirt an tUas Tim O'Malley, T.D., Aire Stáit le haghaidh na Sláinte Meabhraí ag an Roinn Sláinte agus Leanaí, an méid seo a leanas agus é ag cur fáilte roimh an tuairisc:

"Cabhróidh Tuairisc an CCND leis an athbhreithniú reatha ar an Straitéis Náisiúnta Drugaí agus leis an obair atá á déanamh ag an nGrúpa Saineolach ar Pholasaithe um Shláinte Mheabhrach, ag an gCoimisiún um Shláinte Mheabhrach agus ag an gCigireacht na Seirbhísí Sláinte Meabhraí araon. Sa chomhthéacs seo, leanfaimid ar aghaidh le bheith ag dréim le seirbhísí a sholáthar a fhreastalóidh ar riachtanais ár gcliant, agus go háirithe cliaint leochaileacha amhail iad siúd a bhfuil dédhiagnóis acu. "

Bhí daoine sa staidéar ar aon aigne gur chóir go mbeadh níos mó baint ag liachleachtóirí leis an dédhiagnóis a bhainistiú. Freisin, tá an gá le sainmhíniú ar an dédhiagnóis a nglactar leis go náisiúnta ina dhúshlán maidir leis an dédhiagnóis a bhainistiú, go háirithe agus cúram á soláthar ag seirbhísí ar leithligh.

Le haghaidh tuilleadh faisnéise, téigh i dteagmháil le: Jane O’Dwyer (086 6491408) / Pat Montague (087 2549123) ag Montague Communications, Teil. 01 8377960 nó ríomhphost jodwyer@montaguecomms.ie

Baile | Teagmhálacha | Mapa suímh | Cuardach | Faoin gCCND | Nuacht agus Imeachtaí | Foilseacháin | Gníomhaíochtaí Taighde| Clár Oibre | Maoiniú Taighde | Naisc