Tá tú anseo:   Baile > Nuacht agus Imeachtaí > Preaseisiúintí

NÍOS MÓ BAOIL ANN GO BHFAIGHIDH LUCHT CAITE CANNABAIS AILSE

Dé Céadaoin 1ú Meán Fómhair – Tá an chéad athbhreithniú a rinneadh in Éirinn ar fhianaise eolaíochtúil faoi channabas curtha ar fáil. Sheol an tUasal Noel Ahern, TD, Aire Stáit don Straitéis Náisiúnta Drugaí an tuarascáil dar teideal ‘An Overview of Scientific and other Information on Cannabis’ a d’fhoilsigh an Coiste Comhairleach Náisiúnta ar Dhrugaí (NACD). Tugtar chun solais ann roinnt saincheisteanna a bhaineann le cannabas go háirithe an fhianaise go bhfuil baol níos mó ann go bhfaighidh an té a chaitheann cannabas go rialta ailsí ar leith. Formhór na ndaoine a chaitheann cannabas caitheann siad é i bhfoirm ‘joint’ agus mar sin baintear leas as t áirgí tobac.

Ullmhaíodh an tuarascáil i gcomhar le taighdeoirí ó réimse disciplíní agus cúlraí: an Dr Mark Morgan, Ceann na Roinne Oideachais i gColáiste Phádraig, Droim Conrach, an Dr Claire Collins, Stiúrthóir Taighde na gComhairleoirí Taighde Cliniciúil agus Sóisialta (SCRC), an tUasal Johnny Connolly, Coireolaí and Oifigeach Taighde le Rannán Taighde ar Mhí-úsáid Drugaí an Bhoird Taighde Sláinte agus an Dr Dominique Crowley, Speisialtóir i Míochaine Sláinte Poiblí. Taraingíonn an tuarascáil freisin aird ar bhearnaí eolais agus tugtar chun solais ann an riachtanas do thaighde mionsonraithe ar na tionchair a bhaineann le húsáid cannabais in Éirinn.

“Creidim go léiríonn an tuarascáil gur substaint chasta é cannabas agus ainneoin nach bhfuil sé chomh dáinséarach le drugaí eile is féidir leis drochthionchair a bheith aige ar shláinte fhisiciúil agus ar shláinte mheabhrach an úsáideora, go háirithe daoine óga agus iadsan a bhaineann úsáid mhór as an druga. Tá an tuarascáil seo mar chuid de thiomantas leanúnach an Rialtais cur lena mbunachar eolais ar dhrugaí” a deir an tAire Ahern.

“Ní móir dóibhsean atá i bhfabhar go mbeadh níos mó fáil ar channabas na hiarmhairtí ar shláinte an daonra ghinearálta a bhreithniú. Creidimse go bhfuil an cur chuige atá glactha againn in Éirinn oiriúnach dár n-imthosca féin agus oiriúnach dár sochaí agus caithfimid diúltú don nóisean atá ag roinnt daoine nach bhfuil dochar ar bith i gcannabas.”

Rinne an staidéar athbhreithniú ar gach taighde cuí as Éirinn agus thar lear suas go dtí luath i 2003 agus seo a leanas a fuarthas amach:

• Tá cannabas le fáil níos fairsinge in Éirinn le blianta beaga anuas.
• Meastar gur féidir suas le ceithre uaire an méid tarra dul i scámhóg duine a chaitheann cannabas le hais duine a chaitheann tobac m á chaitear toitín ar mheáchan comparáideach.
• Tá níos mó ceimicí, arb iad is cúis le hailse, i ndeatach cannabais ná i ndeatach tobac ag cruthú broincítis agus t á a dhá oiread baoil ann ailsí ar leith a fháil.
• Tá ceangal láidir idir úsáid rialta cannabais sna déaga agus drochthorthaí oideachais, go háirithe imeacht luath ón scoil.
• Léirítear go mbaineann torthaí tairbheacha le cannabas ó thaobh cinéalacha ar leith pian a fhuascailt, chomh maith le cóireáil do mh úisc agus masmas agus chun an goile a spreagadh.
• Tá fianaise ann a thacaíonn leis go bhfuil ceangal idir cannabas agus scitsifr éine i measc daoine leochaileacha.
• Tá fianaise ann a léiríonn go mbíonn tiománaithe faoi thionchar cannabais ar an eolas faoin lagú a bhaineann dóibh ach nach mbíonn siad ábalta cúiteamh don easpa cumais i roinnt scileanna siceam ótair ar nós fanacht i lána.
• Léiríonn fianaise má bhaintear úsáid mhór as cannabas go dtarlaíonn lagú cognaíoch ar chuimhneamh, ar aird agus ar eagr ú ar eolas casta.
• Bíonn baint ag drochfheidhmíocht fostaíochta agus gairme, go háirithe ioncam íseal, neamhchinnteacht poist agus sástacht poist níos ísle le húsáid rialta cannabais.

Dúirt an Dr Des Corrigan, Cathaoirleach an NACD, gur thug an tuarascáil chun solais an riachtanas do bhreis taighde ar channabas in Éirinn.

“Is é tuairim an NACD, mar thoradh ar anailís a dhéanamh ar an tuarascáil seo faoi channabas, go bhfuil riachtanas ann monatóireacht a dhéanamh ar chomh fairsing is atá táirgí cannabais ar mhargadh na hÉireann; chomh maith lena fháil amach chomh mór is atáthar ag brath ar channabas agus cibé an bhfuil naisc idir úsáid cannabais agus drochshláinte meabhrach agus tinnis riospráide ach go háirithe. Áirítear ar réimsí suntasacha eile ar dóigh leis an NACD go bhfuil breis taighde de dhíth is ea cad a tharlaíonn d’úsáideoirí cannabais nuair a thagann siad i dteagmháil leis an gcóras dlí agus fiosrú a dhéanamh maidir le húsáid cannabais a bheith ar cheann de na cúiseanna d’imeacht luath ón scoil” a deir an Dr Des Corrigan, Cathaoirleach an NACD.

Dúirt an Dr Corrigan freisin “cé go bhfuil bearnaí eolais go leor ann fós gur cúnamh mór é an Suirbhé Fairsingeachta Drugaí ar tugadh faoi i 2002/03 chun freagraí a fháil ar líon áirithe ceisteanna mar a léiríonn cuid de na príomhthorthaí thíos ó Fheasachán 3 ar channabas a bheidh amach go luath:

• Is é cannabas an druga mídhleathach is mó a thógtar in Éirinn. Tá sé seo comhsheasmhach thar gach tréimhsí ama le 17% (nó 1 as 5) in aois 15-64 a d’úsáid cannabas (le linn a saoil), 5% (nó 1 as 20) a bhain úsáid as le bliain anuas (úsáid le deireanaí) agus 3% (nó 1 as 33) a bhain úsáid as le mí anuas (úsáid reatha)
• Haisis (roisín, cannabas) an druga cannabais is mó a mbaintear leas as le líon beag freagróirí ag tuairisciú gur bhain siad úsáid as an bhfoirm luibhe (grass, weed, marijuana).
• Ghlac formhór úsáideoirí cannabais cannabas i bhfoirm ‘joint’ in áit píopa nó ‘bong’ a úsáid agus níor thóg ach líon beag úsáideoirí cannabas i mbia.
• Dúirt os cionn dhá thrian dóibh sin a ghlac páirt sa suirbhé gur cheart cannabas a úsáid do chúiseanna leighis.
• Níor aontaigh beagnach an líon céanna gur cheart cannabas a úsáid ar mhaithe le caitheamh aimsire
• Ní raibh formhór na ndaoine sa suirbhé sásta maidir le daoine a chaitheann cannabais ó ham go chéile
• Cheap formhór na ndaoine sa suirbhé go bhfuil meánbhaol go baol mór ag baint le húsáid rialta cannabais.

For further information, Teagmhálacha : Jane O’Dwyer (086 6491408) / Pat Montague (087 2549123) at Montague Communications, Tel. 01 8377960 or email jodwyer@montaguecomms.ie

Baile | Teagmhálacha | Mapa suímh | Cuardach | Faoin gCCND | Nuacht agus Imeachtaí | Foilseacháin | Gníomhaíochtaí Taighde| Clár Oibre | Maoiniú Taighde | Naisc