Tá tú anseo:   Baile > Faoin gCCND

Faoin gCCND

Réamhrá

Bunaíodh an CCND i mí Iúil 2000 faoi choimirce na Roinne Turasóireachta, Spóirt agus Áineasa chun taighde ar cheisteanna a bhaineann le drugaí a dhéanamh, a choimisiúnú agus a scagadh, agus chun an Rialtas a chomhairliú faoi fhorbairt bheartas sa réimse seo. Ó Mheitheamh 2002, is faoi choimirce na Roinne Pobail, Tuaithe agus Gaeltachta a thagann an CCND.

Bunaíodh an CCND tar éis chéim fhorbartha dhá bhliana inar tionóladh grúpa eatramhach chun moltaí a dhéanamh agus chun clár oibre trí bliana de thaighde agus de mheastóireacht a cheapadh. Ghlac an Rialtas leis na moltaí seo agus bunaíodh an CCND chun an clár oibre a chur i bhfeidhm.

Tuairiscíonn an Coiste don Aire Stáit ar a bhfuil cúram speisialta don Straitéis Náisiúnta Drugaí. Is é a sprioc an Rialtas a chomhairliú maidir le leitheadúlacht, cosc, cóireáil/athshlánúchán agus iarmhairtí fadhb-úsáide drugaí in Éirinn, bunaithe ar a scagadh ar thorthaí taighde agus ar eolas atá ar fáil dó.

Síneadh sainordú an CCND go Iúil 2008 chun réiteach le Straitéis Náisiúnta Drugaí 2001-2008 le buiséad de €1.3 milliún in aghaidh na bliana. Tá ceithre eilimint lárnacha sa Chlár Oibre do 2005/2008:

• Taighde coimisiúnaithe
• Taighde deontaschúnta
• Taighde inmheánach
• Cumarsáid

Céard é an CCND?

Tá sé ríthábhachtach faisnéis a bhailiú, eolas a fhorbairt agus cur le tuiscint ar na fáthanna go dtagann fadhbanna drugaí chun cinn le daoine áirithe agus nach dtagann le daoine eile. Caithfimid a bheith ar an eolas céard atá le déanamh, cathain, agus conas, má táimid chun aon difear a dhéanamh do shaolta na ndaoine a dtéann mí-úsáid drugaí i bhfeidhm orthu.

Bhunaigh an CCND struchtúr fo-choistí chun forbairt agus cur-i-bhfeidhm a chláir oibre a éascú. Liostáiltear na fo-choistí seo thíos:

• Iarmhairtí: Tionchar úsáide drugaí ar dhaoine aonair, ar theaghlaigh agus ar phobail
• Luathrabhadh & Treochtaí atá ag Teacht Chun Cinn: Nasctha leis an EMCDDA, déantar muid a chur ar an airdeall ar dhrugaí sintéiseacha nua agus déantar monatóireacht ar threochtaí úsáide drugaí.
• Leitheadúlacht: : Líon na ndaoine ag úsáid drugaí, na cineálacha drugaí, aois na ndaoine ag úsáid, agus na limistéir ina n-úsáidtear iad.
• Cosc: Gníomhaíochtaí dírithe ar úsáid drugaí a laghdú sa dhaonra/sna daonraí ginearálta agus sainiúil/sainiúla.
• Cóireáil/Athshlánúchán: Gníomhaíochtaí dírithe ar iompar a athrú nó a mhodhnú chun úsáid drugaí agus díobháil a laghdú agus chun athiompú a chosc.

Baile | Teagmhálacha | Mapa suímh | Cuardach | Faoin gCCND | Nuacht agus Imeachtaí | Foilseacháin | Gníomhaíochtaí Taighde| Clár Oibre | Maoiniú Taighde | Naisc